त्र्यंबकेश्वरच्या कुशावर्तात स्नानासाठी नितळ,स्वच्छ पाणी

-

अडीच कोटी रुपये खर्चून जलशुद्धीकरण यंत्रणा कार्यन्वित


नाशिक, दि.24– सिंहस्थ कुंभमेळ्यासाठी त्र्यंबकेश्वरला येणाऱ्या  भाविकांना कुशावर्त कुंडात स्नानासाठी आता शुद्ध पाणी उपलब्ध होणार असून त्यासाठी दरताशी एक लाख लीटर जलशुद्धीकरण करणारी यंत्रणा महाराष्ट्र जीवन प्राधिकरणाच्या वतीने कार्यन्वित करण्यात आली आहे. या यंत्रणेमुळे आता जलशुध्दतेच्या मानकानुसार 3.0 मिलिग्रॅम/लीटर बीओडी (बॉयोलॉजिकल ऑक्सिजन डिमांड) इतके शुद्ध, स्वच्छ, नितळ पाणी कुशावर्त कुंडात उपलब्ध होऊ लागले आहे.




सिंहस्थ कुंभमेळा आता काही दिवसांवर येऊन ठेपला असून या कालावधीत नाशिक-त्र्यंबकेश्वर येथे येणाऱ्या भाविकांना विविध सुविधा पुरविण्यासाठी प्रशासनाची सुरु असलेली तयारी अंतिम टप्प्यात पोहोचली आहे. सिंहस्थ-कुंभमेळा काळात त्र्यंबकेश्वरच्या कुशावर्त कुंडात स्नानासाठी भाविकांची मोठी गर्दी होती,  तर अनेक  भाविक स्नानाबरोबरच तीर्थ म्हणूनही इथले पाणी सोबत घेऊन जातात. कुशावर्त कुंडाची क्षमता 9 लक्ष लीटर असून या कुंडात गंगासागर तलावातून पाणी पुरवठा केला जातो.  गर्दीच्या वेळी अनेकदा या कुंडातील पाणी  अशुद्ध होऊन जलशुद्धतेच्या मानकानुसार त्याची बॉयोलॉजिकल ऑक्सिजन डिमांड 35 एमजी/लिटर पर्यंत वाढते. कुशावर्त कुंडातून प्रत्येक वेळी हे पाणी बाहेर फेकणे आणि नवीन पाणी घेणे, यात प्रशासनाला मर्यादा यायच्या, मात्र महाराष्ट्र जीवन प्राधिकरण विभागाने या पाण्याची शुद्धता वाढविण्याचा 2 कोटी 49 लाख रुपये खर्चाचा प्रकल्प हाती घेतला, तो पूर्ण केला आणि त्याची चाचणीदेखील यशस्वी झाली आहे.

नव्या जलशुद्धीकरणाच्या यंत्रणेनुसार आता प्रत्येक तासाला कुशावर्त कुंडातील एक लक्ष लीटर पाणी जलशुद्धीकरण केंद्रात पाठविले जाऊन त्या पाण्याचे तेथे शुद्धीकरण केले जाईल. त्यावर प्रेशर सॅन्ड फिल्टर, ॲक्टिव्हेटेड कार्बन फिल्टर, अल्ट्रा व्हॉयोलेट ट्रीटमेन्ट आणि ओझोनायझेशन आदी प्रक्रिया केल्या जातील. स्विमिंग पूलामध्ये ज्याप्रमाणे जलशुद्धीकरणाची व्यवस्था केली जाते तशी व्यवस्था सतत 24 तास या कुशावर्त कुंडात अविरतपणे सुरु राहिल, त्यामुळे या कुंडातील पाण्याची बीओडी 35 एमजी/लिटरवरुन थेट 3 एमजी/लिटर बीओडी इतकी कमी होईल परिणामी कुंडात स्वच्छ, शुद्ध आणि नितळ पाणी भाविकांना स्नानासाठी उपलब्ध होईल, असे महाराष्ट्र जीवन प्राधिकरण विभागाचे प्रभारी मुख्य अभियंता श्री. देवेंद्र लांडगे यांनी सांगितले.

सिंहस्थ कुंभमेळा काळात आणि विशेषतः पर्वणीच्या दिवशी ही जलशुद्धीकरण यंत्रणा अविरतपणे सुरु राहण्यासाठी  प्रभारी मुख्य अभियंता श्री. देवेंद्र लांडगे यांच्या मार्गदर्शनाखाली अभियंते-तंत्रज्ञ-कारागीर यांच्या नेमणूका करण्यात आल्या आहेत.  एकूणच, कुंभमेळ्यानिमित्त त्र्यंबकेश्वरनगरीत येणाऱ्या भाविकांना आता स्नानासाठी शुद्ध-स्वच्छ-नितळ पाणी  मिळणार असल्याने जलशुद्धीकरणाचा हा उपक्रम नाविण्यपूर्ण ठरेल, हे निश्चित…

00000

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

Excellent response from passengers for Railway Ticket Reservation Mobile Van

-
Various remedial measures by Central Railway for  Reserved and Unreserved Tickets                 Nashik: 5 th September: The travel for the devotees to and from Nashik-Trambakeshwar for Simhastha Kumbhamela is going to be much smoother and comfortable. For Railway Ticket Mobile Vans have been placed in the service at four locations in the city so that the devotees can comfortably book their journey with reservations.  The reservations from these mobile vans have been receiving response from the devotees. The Central Railway has implemented a number of measures so that passengers are provided with reserved and un-reserved tickets easier and faster.      The first such major event (Parvani) took place recently at Nashik-Trimbakeshwar. With a view to make the reserved and unreserved railway tickets easily available to passengers for travel from the city these measures have been implemented by Commercial Dep...
अधिक वाचा

‘सिंहस्थ संवाद’ : महान्यूजच्या माध्यमातून

-
इमेज
अवश्य भेट द्या...   http://www.mahanews.gov.in/Home/HomeDetails.aspx?str=UYaL39U+swU= ज्ञान आणि अध्यात्म यांची पर्वणी असलेल्या नाशिक-त्र्यंबकेश्वरच्या सिंहस्थ कुंभमेळ्याला 14 जुलै 2015 ला ध्वजारोहणाने प्रारंभ झाला. विविध आखाड्यांच्या साधू-महंतांबरोबरच देश-विदेशातून भाविक, पर्यटकांच्या आगमनाने नाशिक-त्र्यंबकेश्वरनगरी गर्दीने गजबजू लागली आहे. या दोन्ही तीर्थक्षेत्रांना भेट देणाऱ्या भाविकांबरोबरच या ‘महापर्वा’त सहभागी होणाऱ्या साधू-महंतांना विविध सुविधा पुरविण्यासाठी प्रशासनाने केलेली तयारी आता जवळपास पूर्णत्वास जाऊ लागली आहे. प्रशासनाने केलेली तयारी त्यातून निर्माण झालेल्या सुविधांची माहिती वाचकांपर्यंत पोहोचविण्यासाठी ‘महान्यूज’ च्या माध्यमातून ‘सिंहस्थ संवाद’ चा उपक्रम आजपासून सुरु होत आहे. नाशिक-त्र्यंबकेश्वर येथे पहिले शाही स्नान 29 ऑगस्ट 2015 रोजी तर दुसरे शाही स्नान 13 सप्टेंबर 2015 रोजी होणार आहे. तिसरे शाही स्नान नाशिक येथे 18 सप्टेंबर 2015 रोजी तर त्र्यंबकेश्वर येथे 25 सप्टेंबर 2015 रोजी होणार आहे. या शाही स्नानाच्या आणि एकूणच सिंहस्थ कुंभमेळ्याच्या निमित्ताने या...
अधिक वाचा

कुंभमेळ्याच्या पूर्व तयारीची माहिती देणारी ‘सिंहस्थ संवाद’ मालिका सोमवारपासून आकाशवाणीवर

-
नाशिक :  नाशिक, त्र्यंबकेश्वर येथे होणाऱ्या सिंहस्थ कुंभमेळ्याची तयारी आता अंतिम टप्प्यात पोहोचली आहे. याच तयारीची आणि सुविधांची माहिती जनतेपर्यंत पोहोचविण्यासाठी नाशिक आकाशवाणी केंद्रावरुन ‘सिंहस्थ संवाद’ या विशेष मालिकेचे प्रसारण 20 जुलै 2015 पासून करण्यात येणार आहे. जिल्हा प्रशासन आणि जिल्हा माहिती कार्यालयाची निर्मिती असलेली ‘सिंहस्थ संवाद’ ही विशेष मालिका 20 जुलैपासून दररोज सकाळी 8.55 ते 9.10 वाजता या वेळेत प्रसारित होणार आहे. सिंहस्थ कुंभमेळ्यानिमित्त प्रशासनाने नाशिक आणि त्र्यंबकेश्वर येथे विविध सुविधांची उभारणी केली आहे. कायमस्वरुपी कामे पूर्ण झाली असून तात्पुरती कामे आता अंतिम टप्प्यात आहेत. कुंभमेळा सुरु झाल्यानंतरच्या काळात साधू-महंत आणि भाविकांना पुरविण्यात येणाऱ्या विविध सेवांचे सूक्ष्म नियोजन प्रशासनाच्या विविध यंत्रणांनी केले आहे. या सर्व पूर्व तयारीची आणि निर्माण करण्यात आलेल्या सुविधांची माहिती संबंधित विभाग, यंत्रणांचे प्रमुख जनतेला आकाशवाणीच्या ‘सिंहस्थ संवाद’ मालिकेतून देणार आहेत. सोमवार, 20 जुलै रोजी सकाळी 8.55 वाजता ‘सिंहस्थ संवाद’ या मालिकेच्या प्रस...
अधिक वाचा