मुख्यमंत्री देवेंद्र फडणवीस यांनी साधला साधू-महंतांशी संवाद

-
त्र्यंबकेश्वर, दि. १९- येथील निरंजनी आखाड्यात आज मुख्यमंत्री  देवेंद्र फडणवीस यांनी उपस्थित साधू-महंतांशी संवाद साधला. कुंभमेळा सुरु झाला असून पर्वणीचे महत्त्वाचे दिवस देखील जवळ आले आहेत. आपल्या सर्वांचे उत्तम योगदान लाभलेले आहे. यापुढेही ते लाभेल, असा विश्वास मुख्यमंत्री श्री. फडणवीस यांनी यावेळी व्यक्त केला.

यावेळी पालकमंत्री  गिरीष महाजन, नगराध्यक्षा  अनघा देशपांडे, भाजपचे राष्ट्रीय अध्यक्ष अमित शहा, खासदार हरिश्चंद्र चव्हाण, आमदार बाळासाहेब सानप,  देवयानी फरांदे,  सीमा हिरे आदींसह महंत श्री हरिगिरीजी महाराज, महंत श्री सागरानंदजी सरस्वती महाराज, महंत श्री नरेंद्रगिरीजी महाराज, विभागीय आयुक्त एकनाथ डवले, जिल्हाधिकारी दीपेन्द्र सिंह कुशवाह आदी मान्यवर उपस्थित होते.

सरकार केवळ सुविधांची निर्मिती करीत आहे, कुंभमेळ्यात साधू-महंतांचे योगदान महत्त्वाचे आहे. त्यांच्या मार्गदर्शनाखाली विविध कामांची, सुविधांची उभारणी पूर्ण झाली असून जी कामे बाकी असतील ती तातडीने पूर्ण केली जातील, त्यात कोणतीही कमतरता ठेवणार नाही, अशी ग्वाही देखील मुख्यमंत्री श्री. फडणवीस यांनी यावेळी दिली.

यावेळी श्री. अमित शहा यांनी त्र्यंबकेश्वर येथील  सर्वच आखाड्यांनी कुंभमेळा साजरा करण्याचे आवाहन करुन कुंभमेळ्यासाठी होत असलेल्या चांगल्या कामांबद्दल  महाराष्ट्र शासन, मुख्यमंत्री श्री. फडणवीस, पालकमंत्री श्री. महाजन यांची प्रशंसा केली. साधू-संत-महंतांना दर्जेदार सुविधा देण्यासाठी  यंत्रणेतील प्रत्येक घटकाने अविरत प्रयत्न केले त्याबद्दल सर्वांचेच श्री. शहा यांनी शुभेच्छा देऊन कौतूक केले.

जिल्हाधिकारी श्री. कुशवाह आणि त्यांच्या सर्व सहकाऱ्यांचे कुंभमेळ्यासाठी चांगले सहकार्य लाभत असून या सर्वांचे  याप्रसंगी महंत हरिगिरीजी महाराज यांनीही कौतूक केले.  तर अधिकारी खूप चांगले काम करत असून साधू, महंतांबद्दल त्यांची सहकार्याची भावना आहे.  पालकमंत्री गिरीष महाजन यांनी मांडलेली  हरितकुंभाची संकल्पना यामुळे निश्चितच पूर्ण होईल, असा विश्वास महंत सागरानंदजी महाराज यांनी यावेळी व्यक्त केला.

000000
किशोर गांगुर्डे, त्र्यंबकेश्वर १९ऑगस्ट २०१५

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

Excellent response from passengers for Railway Ticket Reservation Mobile Van

-
Various remedial measures by Central Railway for  Reserved and Unreserved Tickets                 Nashik: 5 th September: The travel for the devotees to and from Nashik-Trambakeshwar for Simhastha Kumbhamela is going to be much smoother and comfortable. For Railway Ticket Mobile Vans have been placed in the service at four locations in the city so that the devotees can comfortably book their journey with reservations.  The reservations from these mobile vans have been receiving response from the devotees. The Central Railway has implemented a number of measures so that passengers are provided with reserved and un-reserved tickets easier and faster.      The first such major event (Parvani) took place recently at Nashik-Trimbakeshwar. With a view to make the reserved and unreserved railway tickets easily available to passengers for travel from the city these measures have been implemented by Commercial Dep...
अधिक वाचा

‘सिंहस्थ संवाद’ : महान्यूजच्या माध्यमातून

-
इमेज
अवश्य भेट द्या...   http://www.mahanews.gov.in/Home/HomeDetails.aspx?str=UYaL39U+swU= ज्ञान आणि अध्यात्म यांची पर्वणी असलेल्या नाशिक-त्र्यंबकेश्वरच्या सिंहस्थ कुंभमेळ्याला 14 जुलै 2015 ला ध्वजारोहणाने प्रारंभ झाला. विविध आखाड्यांच्या साधू-महंतांबरोबरच देश-विदेशातून भाविक, पर्यटकांच्या आगमनाने नाशिक-त्र्यंबकेश्वरनगरी गर्दीने गजबजू लागली आहे. या दोन्ही तीर्थक्षेत्रांना भेट देणाऱ्या भाविकांबरोबरच या ‘महापर्वा’त सहभागी होणाऱ्या साधू-महंतांना विविध सुविधा पुरविण्यासाठी प्रशासनाने केलेली तयारी आता जवळपास पूर्णत्वास जाऊ लागली आहे. प्रशासनाने केलेली तयारी त्यातून निर्माण झालेल्या सुविधांची माहिती वाचकांपर्यंत पोहोचविण्यासाठी ‘महान्यूज’ च्या माध्यमातून ‘सिंहस्थ संवाद’ चा उपक्रम आजपासून सुरु होत आहे. नाशिक-त्र्यंबकेश्वर येथे पहिले शाही स्नान 29 ऑगस्ट 2015 रोजी तर दुसरे शाही स्नान 13 सप्टेंबर 2015 रोजी होणार आहे. तिसरे शाही स्नान नाशिक येथे 18 सप्टेंबर 2015 रोजी तर त्र्यंबकेश्वर येथे 25 सप्टेंबर 2015 रोजी होणार आहे. या शाही स्नानाच्या आणि एकूणच सिंहस्थ कुंभमेळ्याच्या निमित्ताने या...
अधिक वाचा

कुंभमेळ्याच्या पूर्व तयारीची माहिती देणारी ‘सिंहस्थ संवाद’ मालिका सोमवारपासून आकाशवाणीवर

-
नाशिक :  नाशिक, त्र्यंबकेश्वर येथे होणाऱ्या सिंहस्थ कुंभमेळ्याची तयारी आता अंतिम टप्प्यात पोहोचली आहे. याच तयारीची आणि सुविधांची माहिती जनतेपर्यंत पोहोचविण्यासाठी नाशिक आकाशवाणी केंद्रावरुन ‘सिंहस्थ संवाद’ या विशेष मालिकेचे प्रसारण 20 जुलै 2015 पासून करण्यात येणार आहे. जिल्हा प्रशासन आणि जिल्हा माहिती कार्यालयाची निर्मिती असलेली ‘सिंहस्थ संवाद’ ही विशेष मालिका 20 जुलैपासून दररोज सकाळी 8.55 ते 9.10 वाजता या वेळेत प्रसारित होणार आहे. सिंहस्थ कुंभमेळ्यानिमित्त प्रशासनाने नाशिक आणि त्र्यंबकेश्वर येथे विविध सुविधांची उभारणी केली आहे. कायमस्वरुपी कामे पूर्ण झाली असून तात्पुरती कामे आता अंतिम टप्प्यात आहेत. कुंभमेळा सुरु झाल्यानंतरच्या काळात साधू-महंत आणि भाविकांना पुरविण्यात येणाऱ्या विविध सेवांचे सूक्ष्म नियोजन प्रशासनाच्या विविध यंत्रणांनी केले आहे. या सर्व पूर्व तयारीची आणि निर्माण करण्यात आलेल्या सुविधांची माहिती संबंधित विभाग, यंत्रणांचे प्रमुख जनतेला आकाशवाणीच्या ‘सिंहस्थ संवाद’ मालिकेतून देणार आहेत. सोमवार, 20 जुलै रोजी सकाळी 8.55 वाजता ‘सिंहस्थ संवाद’ या मालिकेच्या प्रस...
अधिक वाचा